លោក សេង ចាន់ធឿន

នាយកប្រតិបត្តិ

លោក សេង ចាន់ធឿន គឺជានាយកប្រតិបត្តិដែលជាអ្នកជំនាញផ្នែកទីផ្សារមូលបត្រ មានបទពិសោធន៍ជាង ១០ ឆ្នាំ និងបញ្ចប់បរិញ្ញាបត្រជាន់ខ្ពស់ផ្នែកហិរញ្ញវត្ថុអន្តរជាតិ ពីប្រទេសបារាំង។ ជាមួយនឹងមូលដ្ឋានគ្រឹះដ៏រឹងមាំក្នុងការវាយតម្លៃសមធម៌ ការរៀបចំរចនាសម្ព័ន្ធសាជីវកម្មឡើងវិញ និងការវិភាគរបាយការណ៍ហិរញ្ញវត្ថុ គាត់បានជាប់ការប្រឡងកម្រិតទី ១ និងទី ២ នៃកម្មវិធី Chartered Financial Analyst (CFA) ដោយជោគជ័យ។

ក្រោមការដឹកនាំដ៏ប៉ិនប្រសប់របស់លោក ធឿន ក្រុមហ៊ុន មូលបត្រ រ៉ូយ៉ាល់គ្រុប ម.ក បានសម្រេចនូវព្រឹត្តិការណ៍សំខាន់ៗនៅក្នុងទីផ្សារមូលធនកម្ពុជា។លោកបាន ដឹកនាំប្រតិបត្តិការ ជាប្រវត្តិ​សាស្ត្រ ដែលរួមមានការមើលការខុសត្រូវ លើការបោះផ្សាយមូលបត្រជាសាធារណៈលើកដំបូង (IPO) របស់សហគ្រាសរដ្ឋចំនួនបី (PAS, PWSA និង PPAP)។

បន្ថែមពីនេះ គាត់បាននាំមុខក្នុងការផ្តួចផ្តើមគំនិតដ៏អស្ចារ្យ ដូចជា ការបោះផ្សាយមូលបត្របំណុលសាជីវកម្មជាលើកដំបូង ដែលមិនធ្លាប់មានមុន, មូលបត្របំណុលបៃតង និងសញ្ញាប័ណ្ណនិរន្តរភាព, មូលបត្របំណុលដែលធានាដោយ CGIF និង GuarantCo ក៏ដូចជា SME IPO ទីមួយបង្អស់នៅទីផ្សារកំណើននៃ CSX។

ជាមួយនឹងចំណេះដឹង ជំនាញ និងកំណត់ត្រាជោគជ័យដ៏ទូលំទូលាយរបស់លោក ធឿន, គាត់បន្តជំរុញ RGS ឆ្ពោះទៅកាន់កម្រិតខ្ពស់ថ្មី ដោយធានាថា អតិថិជនរបស់យើង ទទួលបានសេវាហិរញ្ញវត្ថុពិសេស និងដំណោះស្រាយប្រកបដោយជោគជ័យនៅក្នុងទីផ្សារមូលបត្រកម្ពុជា។